Džeger slavi 80. rođendan, nižu se čestitke

Izvor: Centralni Portal

Pregled dana, Kultura 26.07.2023, 22:11

Nekoliko članova "Rolingstonsa" čestitalo je na društvenim mrežama rođendan svome frontmenu Miku Džegeru, koji je danas napunio 80 godina.

Džeger slavi 80. rođendan, nižu se čestitke
Foto: Agencije

Kit Ričards, slavni gitarista "Rolingstonsa" objavio je na društvenim mrežama video kojim pet mjeseci starijem prijatelju iz djetinjstva uz klavirsku svirku čestita rođendan.

"U nadi da ćemo i dalje jedan drugome nastaviti čestitati: Sretan rođendan Mik. Nazovi me i reci mi kakav je osjećaj", kaže Ričards uz osmijeh.

Džegerov kolega gitarista Roni Vud napisao je "Sretan 80. rođendan Mik Džeger" podijelivši Mikove fotografije na "Instagramu".

"Sretan rođendan! I da mu život bude dug i sretan. Mik me naučio šta znači pravi rok", rekao je za AFP Alfred Milington, 75-godišnji obožalac ispred trgovine "Stonsa" u centru Londona.

Nemirni dečko, ultimativni seks simbol, rok zvijezda bez premca - Džeger već decenijama puni naslovne stranice – provokacijama, ekscesima ili novim ženama, prenose mediji.


Podijelite vijest: