Poginuo Kelvin Kiptum, svjetski rekorder u maratonu

Foto: Agencije

Kelvin Kiptum (24) se vozio automobilom nedaleko od grada Eldoreta u Keniji, blizu mjesta gdje je trenirao, kada se dogodila saobraćajna nesreća u kojoj je poginuo, prenosi Bi-Bi-Si.

Kiptum je u oktobru prošle godine u Čikagu postavio novi svjetski rekord u maratonu za muškarce, pošto je završio trku za dva sata i 35 sekundi.

Bio je zvijezda svjetske atletike i veliki rival sunarodnika Eliuda Kipčogea, čiji je svjetski rekord i oborio.

Spremao se da u Roterdamu postane prvi čovjek u istoriji koji bi istrčao maraton za manje od dva sata.

Trebalo je da sa reprezenacijom Kenije nastupi na Olimpijskim igrama u Parizu.